ബെര്‍ളിയോടു മുട്ടിയ ജോ പുസ്തകമെഴുതുന്നു

ബൂലോകത്തുനിന്നു ഒരു പുസ്തകം കൂടി... ബെര്‍ളിയുമായി മുട്ടിക്കൊണ്ട് ബ്ലോഗര്‍മാരെയും ബ്ല്ലോഗ് വായനക്കാരെയും വെറും ഉണ്ണാക്കന്‍ മാരാക്കിയ ശ്രീമാന്‍ ജോക്കര്‍ എന്ന സോറി ജോഹര്‍ എന്ന ജോ ഒരു പുസ്തകത്തിന്റെ രചനയുടെ അവസാന ഘട്ടത്തിലാണു. എങ്ങിനെ ബ്ലോഗില്‍ വായനക്കാരെ കൂട്ടാം എന്ന വിഷയത്തെ കുറിച്ചുള്ളതാണു പുസ്തകം (ഈ വിഷയത്തെ കുറിച്ചു എഴുതാന്‍ ജോയോളം അനുഭവജ്ഞാനം ബൂലോകത്തെല്ല ഭൂലോകത്തും ആര്‍ക്കും കാണില്ല) ഈ പുസ്തകം പുറത്തിറങ്ങുന്നതോടേ ആദ്യാക്ഷരി അപ്പുവൊക്കെ ബ്ലോഗ് പൂട്ടി പോകാനാണു സാധ്യത എന്തെന്നാല്‍ ബ്ലോഗിലെ സകലമാന ഹുഡായിപ്പുകളും ജോയുടെ പുസ്തകത്തിലുണ്ടാകും പിന്നെയെന്തിനാ ആദ്യാക്ഷരി (വേണമെങ്കില്‍ അപ്പുവിനു ജോയുടേ പുസ്തകം വാങ്ങി വായിച്ചു ബ്ലോഗില്‍ നാലാളെക്കൂട്ടാം)

പുസ്തകരചനയുടെ അവസാനഘട്ടത്തില്‍ ജോ വല്ലാതെ ടെന്‍ഷന്‍ അനുഭവിക്കുന്നുണ്ടെന്ന്` ജോയുടെ അടുത്തവൃത്തങ്ങള്‍ അറിയിച്ചു . പ്രധാനമായും രണ്ട് കാരണങ്ങളാണു ജോയെ ടെന്‍ഷനടിപ്പിക്കുന്നതു. കാരണം ഒന്നു പുസ്തകം ആരെങ്കിലും വാങ്ങി വായിക്കണമെങ്കില്‍ ആരോടാണു കൊമ്പ് കോര്‍ക്കേണ്ടത് (ബെര്‍ലിയുമായി മുട്ടി ബ്ലോഗില്‍ ഹിറ്റ് കൂട്ടിയതു പോലെ). എട്ടില്‍ എട്ടുവട്ടം പൊട്ടിയിട്ടും പുസ്തകം തുറന്നുനോക്കാത്ത ജോ. കൂടുതല്‍ കോപ്പികള്‍ വിറ്റ് പോയ മലയാള പുസ്തകങ്ങളെ കുറിച്ചു അന്വേഷിക്കാന്‍ തുടങ്ങി അങ്ങനെ ഏതോ ഒരു നളിനി ജമീലയുടെ പുസ്തകമാണു ഏറ്റവും വിറ്റ് പോയതെന്നു കണ്ടെത്തി. നളിനി ജമീല നളിനി നെറ്റോ(നീലന്‍)യുടെ ചേച്ചിയൊ, മറ്റോ ആണെന്നാണു ജോയുടെ വിചാരം നളിനി ജമീല ആരാണെന്നു ജോയെ ആരൊ മനസിലാക്കി കൊടുത്തു അങ്ങിനെ ആ ഉദ്യമത്തില്‍ നിന്നു ജോ പിന്‍മാറി. പിന്നെ എം ടി യോട് മുട്ടിയാല്‍ എന്താ എന്നായി അധികം പ്രതികരിക്കാത്ത എംടിയോടു മുട്ടിയിട്ട് കാര്യമില്ലെന്നു ജോ തന്നെ ഗവേഷണങ്ങളിലൂടെ മനസിലാക്കി അവസാനം എംവി ദേവനോടോ ,ടി പദ്മനാഭനോടോ മുട്ടാമെന്നു ജോ ഉറപ്പിച്ചു അതിനിടക്കു മന്ത്രി സുധാകരനോട് മുട്ടിയാലോ എന്ന ചിന്ത വന്നതാണു അദ്ദേഹവും ഒന്നു രണ്ട് കവിത എഴുതിയിട്ടുണ്ടല്ലൊ ഒരു ദിവസം സുധാകരന്റെ വാമൊഴിവഴക്കം ടീവിയില്‍ കണ്ട ജോ അപ്പണി വേണ്ടെന്നു അപ്പഴേ ഉറപ്പിച്ചു . നമ്മുടെ ജോ ഇപ്പോള്‍ എം. വി ദേവന്റേയും, ടി. പദ്മനാഭന്റെയും ഓര്‍ക്കൂട്ട് പ്രൊഫൈല്‍ തപ്പിക്കൊണ്ടിരിക്കുകയാണു ഒരു ഫ്രണ്ട്ഷിപ്പു റിക്വസ്റ്റ് നല്‍കാന്‍ ( എന്തായാലും പുസ്തക രചനകോണ്ട് ഒരു ഗുണമുണ്ടായി ജോ രണ്ട് മൂന്നു എഴുത്തുകാരുടെ പേര്‌ പഠിച്ചു)

കാരണം രണ്ട് പുസ്തകത്തിന്‍ ആരെക്കൊണ്ട് അവതാരിക എഴുതിക്കും തന്നെ പ്രശസ്തനാക്കിയ ബെര്‍ളിയെക്കൊണ്ടോ അതോ പ്രശസ്തനാവനുള്ള വഴി പറഞ്ഞുതന്ന സുഹൃത്തിനെ കൊണ്ടോ..? ബെര്‍ളിയെകൊണ്ട് അവതാരിക എഴുതിക്കാനാണു ജോവിനു താല്പര്യം കാരണം സുഹൃത്ത് അവതാരികയിലങ്ങാനും "ഇവന്റെ ഗുരു താനാണെന്നു" എഴുതി പിടിപ്പിച്ചാലോ. പക്ഷെ അവതാരിക എഴുതിപ്പിച്ചു ഒന്നു സോപ്പിട്ടില്ലെങ്കില്‍ പുസ്തകം ഇറങ്ങിയാല്‍ ഇതിലെ ആശയം മുഴുവന്‍ തന്റേതാണെന്നു പറഞ്ഞു സുഹൃത്ത് കേസിനു പോയാലോ. കക്ഷത്തിലിരിക്കുന്നതു പോകും ചെയ്യരുതു ഉത്തരത്തില്‍ ഇരിക്കുന്നതു കിട്ടുകയും വേണം


വാല്‍കഷ്ണം : രണ്ട് ദിവസമായി ഊണും ഉറക്കവുമില്ലാതെ ടെന്‍ഷനടിച്ചു കഴിയുന്ന മീനാക്ഷി റെഡ്ഡി മാധവനോട് പിതാവു എന്‍. എസ് മാധവന്‍ " എന്താ മോളെ നിനക്കു ഇത്ര വിഷമം രണ്ട് ദിവസമായിട്ടു ഒരു തുള്ളി വെള്ളം പോലും കുടിക്കുന്നില്ലല്ലോ" മീനാക്ഷി " അച്ഛാ അതച്ഛനു പറഞ്ഞാല്‍ മനസിലാവില്ല മലയാളത്തില്‍ ഒരു ബ്ലോഗറുണ്ട് വണ്‍ മിസ്റ്റര്‍. ജോ , അദ്ദേഹം ഉടന്‍ ഇംഗ്ലീഷിലും ബ്ലോഗെഴുതുന്നുണ്ടത്രെ"